அமலாபால்... நீங்க இப்படி பண்ணலாமா?

காதலில் சொதப்புவது எப்படி படத்தில் நடிக்கும் அமலாபாலிடம் கால்ஷீட்டில் சொதப்புவது எப்படி? என்று கேட்டால் அழகாக சொல்லித் தருவார் போலிருக்கிறது.

கில்மா படமான சிந்து சமவெளி படத்தின் மூலம் தமிழுக்கு அறிமுகமானார் அமலாபால். அதைத் தொடர்ந்து கில்மா பட வாய்ப்புகளாகவே அம்மணிக்கு குவிய நொந்து நூடுல்ஸே ஆகிவிட்டார் அமலாபால். அதன்பிறகு இவரைக் கூப்பிட்டு மைனாவில் நடிக்க வைத்தார் பிரபு சாலமன். அதன் பிறகு அமலாபால் வாழ்க்கையில் ஒரே ஏறுமுகம்தான். மளமளவென அடுத்தடுத்த படங்களில் புக்காகிவிட்டார் அமலாபால். இவர் நடிப்பில் சமீபத்தில் வெளிவந்த வேட்டை படமும் ஹிட்டாகிவிட தெலுங்கு, மலையாளம், தமிழ் என ஒரே நேரத்தில் மூன்று படங்களில் நடிக்க கால்ஷீட் கொடுத்துள்ளார் அமலாபால். வந்த வரைக்கும் லாபம் என்கிற ரீதியில் அம்மணி படங்களை ஒப்புக் கொள்வதால் கால்ஷீட் பிரச்சினையாகி படப்பிடிப்புக்கு ஒழுங்காக வருவதில்லை என்று நாதஸ்வரம் வாசிக்கிறார்கள் படத்தில் அமலாவைப் புக் பண்ணியவர்கள். இப்படியே கால்ஷீட் சொதப்பிக் கொண்டு போனால் இன்னும் கொஞ்ச நாட்களில் அமலாபாலை தமிழ் சினிமாவில் தேடித்தான் பார்க்கவேண்டியிருக்கும்.