விஜய் ஆசையை நிறைவேற்றிய ஷங்கர்

முதல்வன் படத்தை ஷங்கர் இயக்க தயாரான போது முதலில் விஜய்யிடம் தான் அந்த கதையைச் சொன்னார் இயக்குனர் ஷங்கர். ஆனால், சில காரணங்களால் அந்த படத்தில் விஜய் நடிக்க முடியாமல் போனது. அதன் பிறகு அந்த படத்தில் அர்ஜூன் நடித்ததும் படம் மிகப்பெரிய ஹிட்டானதும் அனைவரும் அறிந்த விஷயம்தான். இதன் பிறகு விஜய்க்கு ஷங்கரின் படத்தில் நடிக்க வேண்டும் என்ற ஆசை நெடு நாளைக்கு இருந்து வந்தது என்றே சொல்லலாம். நண்பன் படத்தில் யாரை நடிக்க வைக்கலாம் என்று ஷங்கர் யோசித்த போது அந்த கேரக்டருக்கு பொருத்தமாக இருப்பவர் விஜய்தான் என்பது அவரது மனதில் தோன்ற விஜய்யை தொடர்பு கொண்டிருக்கிறார். ஷங்கர் படத்தில் நடிக்க வேண்டும் என்ற ஆசையுடன் இருந்த விஜய் வேண்டாம் என்று சொல்வாரா என்ன… உடனே ஓ.கே. சொல்லிவிட்டார். இப்போது நண்பன் படமோ மிகப்பெரிய அளவுக்கு ஹிட்டாகியிருக்கிறது. இது பற்றி விஜய்யிடம் கேட்டபோது, ‘ஷங்கர் இயக்கத்தில் நடிக்க வேண்டும் என்ற எனது நீண்டநாள் ஆசை இப்போது நண்பன் படத்தின் மூலம் நிறைவேறியிருக்கிறது…’ என்று சொல்லியிருக்கிறாரர்.