நீயா நானா – விஜய் டிவிக்கு ஒரு வேண்டுகோள்

பண்டிகை நாட்களில் டிவி முன்னால் உட்கார்ந்தால் அன்று நிகழ்ச்சிகளை விட விளம்பரங்களைத்தான் நாம் அதிகம் பார்க்க முடியும். சொல்லப் போனால் நிகழ்ச்சிகளை விட விளம்பரங்கள்தான் நன்றாக இருக்கின்றன என்பது வேறு கதை. விஜய் டிவியில் ஒளிபரப்பாகும் நீயா நானா நிகழ்ச்சிக்கு ஏகப்பட்ட ரசிகர்கள் இருப்பார்கள். ஆனால் இந்த நிகழ்ச்சியைப் பார்க்க உட்கார்ந்தால், இடையில் இவர்கள் போட்டுத் தாக்குகிற விளம்பரங்களின் எண்ணிக்கைதான் தாங்கவில்லை. இரண்டு மணிநேர நிகழ்ச்சியில் கிட்டத்தட்ட 100 விளம்பரங்களுக்கு மேல் காட்டுகிறார்கள். நிகழ்ச்சிக்கு இடையில் விளம்பரங்கள் போட்டாக வேண்டிய கட்டாயத்தில் நிகழ்ச்சித் தயாரிப்பாளர்கள் இருந்தாலும், அதிகமான விளம்பரங்கள் பார்ப்பதற்கு சலிப்பூட்டுகிறது. விளம்பரம் வரும் வேளையில் அடுத்த சேனலுக்கு தாவினால், அங்கு வேறு நல்ல நிகழ்ச்சி போய்க் கொண்டிருந்தால், அதையே தொடர்ந்து பார்க்க வேண்டியதாகப் போய்விடுகிறது. நீயா நானா நிகழ்ச்சித் தயாரிப்பாளர்கள் விளம்பரங்களை கொஞ்சம் அளவோடு வெளியிட்டால், நிகழ்ச்சியை கொஞ்சம் சலிப்பில்லாமல் பார்க்கலாம் என்பது நமது வேண்டுகோள். செவிசாய்க்குமா விஜய் டிவி?

நண்பர்களே www.hotlinksin.com ல் இணைந்துவிட்டீர்களா?