‘நண்பன்’ படத்திற்கு தமிழக அரசு கேளிக்கை வரிவிலக்கு

விஜய், ஜீவா, ஸ்ரீகாந்த் மற்றும் சத்யராஜ் நடிப்பில் உருவான நண்பன் படம் கடந்த 14 ஆம் தேதி வெளியானது. எதிர்பார்ப்புடன் களம் இறங்கிய இந்த படம் திரையிட்ட நாள் முதல் திரையரங்குகளில் ஹவுஸ்புல் காட்சிகளாக வெற்றி ஓட்டத்தைத் தொடர்ந்து வருகிறது. இந்நிலையில் நண்பன் படத்திற்கு தமிழக அரசின் கேளிக்கை வரிவிலக்கு அளிக்கப்பட்டுள்ளது. கடந்த ஆட்சியில் தமிழில் பெயர் வைக்கப்படும் அனைத்துப் படங்களுக்கும் கேளிக்கை வரி விலக்கு உண்டு என அறிவிக்கப்பட்டிருந்தது. தமிழக முதல்வர் ஜெயலலிதா ஆட்சிப் பொறுப்பேற்ற பின்னர் இந்த திட்டத்தில் சில மாற்றங்கள் கொண்டு வரப்பட்டன. அதன் பிறகு இதுவரை எந்த படமும் தமிழக அரசின் வரிவிலக்கு சலுகைக்கு தேர்வு செய்யப்படாமலேயே இருந்தது. முதல் முறையாக நண்பன் படத்திற்கு இந்த வரிவிலக்கு சலுகை வழங்கப்பட்டுள்ளது. நல்ல கருத்துக்களுடன் களம் இறங்கிய நண்பன் படத்திற்கு தமிழக வரிவிலக்கு அளித்திருப்பது நிச்சயம் பாராட்டப்பட வேண்டிய விஷயம்தான்.