நண்பன் படத்திற்கு எதிராக... - ஒரு காமெடி பீஸ் போராட்டம்

நண்பன் படத்திற்கு எதிராக அமைப்பு ஒன்று போராட்டத்தில் குதித்தது. படத்தில் விஜய் பெயரை வைத்தது தவறாம். அந்த அமைப்பின் தலைவரின் பெயரும் அது என்பதால் படத்திற்கு எதிராக குதித்திருககிறார்கள் இந்த தொண்டர்கள். இதில் காமெடி என்னவென்றால் இந்த போராட்டத்தில் பங்கேற்றவர்கள் யாருமே நண்பன் படத்தைப் பார்க்காமலே பேசியதுதான். விளம்பரத்திற்கு ஆசைப்பட்டு இப்படி ஒரு போராட்டத்தில் குதித்த அவர்கள் அந்த படத்தைப் பார்த்திருந்தால் நிச்சயம் போராட்டத்தில் கலந்து கொண்டிருக்க மாட்டார்கள். காரணம் படத்தின் மெசேஜ் அப்படி. இதில் படத்தைத் தடை செய்யவும் கோரியிருக்கிறார்களாம். இவங்க கிச்சு கிச்சு மூட்டுறதுக்கு அளவே இல்லாமப் போச்சு. இப்படி ஏன்பா விளம்பரம் தேடுறதுக்கு யோசிக்கிறீங்க. இதில் எல்லாம் உச்சகட்ட காமெடி என்னவென்றால் புதியதலைமுறை டிவி மட்டுமே இந்த போராட்டத்தை (?) செய்தியில் ஒளிபரப்பியது. மற்ற மீடியாக்கள் ஏன் ஒளிபரப்பவில்லை என்பது உங்களுக்கு நிச்சயம் தெரிந்திருக்கும் என்பதால் நான் அதை உங்களுக்கு விளக்க வேண்டிய அவசியம் இல்லை. ஆ... ஊ... என்றால் போராட்டத்தில் குதித்துவிடும் நண்பர்களே உங்களிடம் ஒன்று கேட்கிறேன். உங்களுக்கு சொந்தமாக யோசிக்கும் பழக்கமே கிடையாதா? சப்பையான விஷயங்களுக்காக கூட இப்படி போராடும் நேரத்தில், போங்கப்பா... போயி புள்ளைங்களுக்கு படிப்பு சொல்லி குடுங்க...