நடிகைக்கு ஏற்பட்ட அவமானம்

ஒஸ்தி படத்தில் மல்லிகா போட்ட குத்தாட்டத்தை அவ்வளவு சீக்கிரம் யாரும் மறந்திருக்க முடியாது. அந்த மல்லிகாவையே கடுப்பாக்கியிருக்கிறது கார் தயாரிப்பு நிறுவனம். ரோல்ஸ் ராய்ஸ் கார் வாங்க ஆசைப்பட்ட மல்லிகா அந்த கார் ஷோரூமுக்குப் போயிருக்கிறார். ஆனால் கார் வாங்கும் ஆசை அடியோடு போய்விட்டதாம் அங்கு நடந்த சம்பவத்தால். அப்படி அங்கு என்னதான் நடந்தது? ‘நீங்கள் எங்கள் காரை வாங்க முடிவெடுத்தற்கு நன்றி. ஆனால் உங்களுக்கு எங்களால் ரோல்ஸ் ராய்ஸ் காரை விற்பனை செய்ய முடியாது...‘ என்று கைவிரித்துவிட்டதாம் விற்பனை நிறுவனம். ரோல்ஸ் ராய்ஸ் கார் நிறுவனம் சம்பந்தப்பட்டவர்களின் இமேஜ் மற்றும் பின்புலம் போன்றவற்றை பரிசீலித்தே காரை அவர்களிடம் விற்பனை செய்யுமாம். அப்படி இருக்கும் போது அந்த நிறுவனம் காரை தமக்கு விற்பனை செய்ய முடியாது என்று மறுத்துவிட்டது, தன்னை மிகவும் அவமானப்படுத்தும் செயலாக நினைத்து வெறுத்துப் போய்விட்டாராம் மல்லிகா.