கலகலப்பு - எதிர்ப்பும் இல்லை... எதிர்பார்ப்பும் இல்லை.

இன்று களம் இறங்குகிறது கலகலப்பு. மசாலா கேப் என்று முதலில் துவக்கப்பட்ட இந்த படம் படப்பிடிப்பு எல்லாம் முடிவடைந்த பிறகு கலகலப்பு என்று பெயர் மாற்றப்பட்டது. சுந்தர் சி இயக்கத்தைவிட்டுவிட்டு நடிக்க வந்து சில வருடங்கள் ஆகிவிட்டன. அவர் நடிப்பில் எந்த படமும் பெரிதான வெற்றியைப் பெறவில்லை. இவர் இயக்கிய படங்களில் பெரும்பாலானவை வெற்றிப் படங்களே. அதனால் இயக்கத்தில் மேலும் ஒரு ரவுண்டு வரும் எண்ணத்துடன்தான் இந்த படத்தை இயக்கியிருக்கிறார் சுந்தர் சி. குஷ்பு இந்த படத்தைத் தயாரித்தார். அவர்களோடு யுடிவி இணைந்து கொள்ள முதல் பிரதி அடிப்படையில் படத்தைத் தயாரித்து யுடிவியிடம் கொடுத்துவிட்டார் குஷ்பு. கலகலப்பு படத்திற்கு பெரிய அளவில் விளம்பரம் ஏதும் கொடுக்கப்படவில்லை. விமலும் சிவாவும் ஹீரோக்களாக நடிக்க அவர்களுக்கு ஜோடியாக நடிக்கிறார்கள் அஞ்சலியும் ஓவியாவும்.

இன்று இந்த படத்திற்கு போட்டியாக எந்த தமிழ் படமும் ரிலீஸ் ஆகவில்லை. பெரிய அளவுக்கு எதிர்பார்ப்பும் இல்லாமல் போட்டி படங்களின் எதிர்ப்பும் இல்லாமல் களம் இறங்கியிருக்கிறது கலகலப்பு. ரசிகர்கள் மத்தியில் சலசலப்பை உருவாக்குமா?