அமலாபால் - பொண்ணு ரொம்பவே உஷார்!

இந்த வருடத்தில் அதிக படங்களில் நடிக்கப் போகும் நடிகை என்று அமலாபாலுக்கு யாராவது பட்டம் கொடுத்தல் கூட ஆச்சரியப்பட ஏதும் இல்லை. காரணம், இவர் நடித்துள்ள வேட்டை படம் பொங்கலுக்கு வெளியாக உள்ளது. முப்பொழுதும் உன் கற்பனைகள் படம் ரிலீசுக்குத் தயாராக இருக்கிறது. இந்த படத்தில் அதர்வாவுக்கு ஜோடியாக நடித்திருக்கிறார் அமலாபால். இப்போது படு மும்முரமாக காதலில் சொதப்புவது எப்படி படத்திலும் நடித்து வருகிறார் அமலாபால். இது மட்டுமின்றி அமலாபாலை நோக்கி இயக்குநர்கள் படையெடுத்த வண்ணம் இருக்கிறார்கள். ஆனால் கையில் கிடைத்ததை வாங்கிப் போட்டுக் கொண்டு படங்களை ஒத்துக் கொள்ளும் எண்ணத்தில் இல்லை அமலாபால். இதற்கு முக்கிய காரணம், இப்போதே ஏதாவது படங்களுக்கு கால்ஷீட் கொடுத்துவிட்டால் அதன் பின்பு, பெரிய நடிகர்கள் யாராவது கூப்பிட்டால் உடனே போக முடியாது என்பதால்தான் வருகிற வாய்ப்புகளை உடனே ஒத்துக் கொள்வதில்லையாம் அமலாபால். இதை அறிந்த அவரது நட்பு வட்டாரங்கள் பொண்ணு ரொம்ப உஷாரா இருக்குப்பா... என்று ஆச்சரியப்படுகிறார்கள்.